Краязнаўчы музей
Дзяржаўнай ўстановы адукацыі “Пярэкальская сярэдняя школа”
Музейны фонд:
асноўны - 2500 экспанатаў;
дапаможны - 500 экспанатаў.
Найбольш каштоўную частку музейных прадметаў, складае асноўны фонд, які ўключае арыгінальныя культурныя каштоўнасці розных тыпаў.
Уключаныя ў асноўны фонд музейныя прадметы арганізуюцца па асобных музейных калекцыях згодна з класіфікацыяй музейных прадметаў.
Асноўныя напрамкі дзейнасці музея.
- даследаванне гісторыі ўстановы, вёскі;
- збор этнаграфічных і фальклорных матэрыялаў;
- папаўненне экспазіцый музея;
- вывучэнне жыцця і дзейнасці вядомых землякоў;
- сустрэчы з ветэранамі Вялікай Айчыннай вайны, ветэранамі- афганцамі, перадавікамі вытворчасці
- правядзенне культурна-асветніцкай дзейнасці сярод вучняў і насельніцтва;
- даследаванне дзейнасці і творчай спадчыны выдатных, але малавядомых дзеячаў нашай мінуўшчыны;
- урокі з элементамі краязнаўства;
- турысцка-краязнаўчыя экскурсіі;
- пошукавыя экспедыцыі, паходы;
- даследчая дзейнасць;
- музейныя ўрокі;
- заняткі ў гуртках, на факультатывах.
Музей прапануе наведвальнікам
наступныя экскурсіі:
1.“Беларуская хата”
2.“Прадметы быту нашых продкаў”
3. “Назад у СССР”
4. “Афганістан - наша боль”
5. “Нашы вядомыя выпускнікі”
6. “Ніхто не забыты, нішто не забыта”
7. “Гісторыя школы і саўгаса неаддзельныя”
8. “Радкі школьнай гісторыі”
Экспазіцыі музея
“Старажытная гісторыя Клічаўшчыны”
Старажытная гісторыя Клічаўшчыны багатая і цікавая. Першы раздзел экспазіцыі прадстаўлены у выглядзе беларускай хаты, другі раздзел змяшчае вялікую колькасць прадметаў быту і прылад працы мясцовага насельніцтва IX - пачатку XX стст.
“Клічаўшчына рэвалюцыйная”
Экспазіцыя прадстаўлена матэрыяламі аб рэвалюцыйных падзеях у раёне, аб людзях якія прымалі ў іх удзел. Асобны стэнд прысвечаны дзейнасці народнікаў і Грынявіцкаму І. Я., ураджэнцу в. Басін Клічаўскага раёна.
У наяўнасці калекцыя нумізматыкі, значкоў
“Савецкі быт”
Прадстаўлены матэрыялы па гісторыі краю савецкага перыяду (1917 - 1990 гг.). Тут жа захоўваюцца газеты і выразкі перыяду Савецкага Саюза.
Вялікую цікавасць уяўляе выстаўка“ Назад у СССР”. Тут знаходзяцца і прадметы побыту, і розныя прадметы таго часу.
“Клічаўшчына ў гады Вялікай Айчыннай вайны”
Вядома, што няма месца ў Беларусі, куды б не зазірнула вайна. Не абмінула яна і наш край. Вялікую цікавасць уяўляе пастаянна дзеючая экспазіцыя “Памяці загінуўшым будзем вартыя". Тут можна ўбачыць тое, да чаго, здаецца, не павінна было імкнуцца чалавецтва: знойдзеныя рэшткі ваеннай зброі, прызначаныя для масавага забойства, экспанаты, якія распавядаюць пра перамогу ў вайне, асабістыя рэчы салдат і ветэранаў, спісы загінуўшых.
У экспазіцыі размешчаны стэнд "Генацыд беларускага народа ў гады Вялікай Айчыннай вайны". Выкарыстоўваецца пры правядзенні мерапрыемстваў і папаўняецца новымі матэрыяламі.
“Афганістан у лёсах нашых землякоў”
У экспазіцыі прадстаўлена дакументальная і мастацкая літаратура аб афганскай вайне, фатаграфіі мемарыялаў і памятных знакаў воінам-афганцам. Асаблівая ўвага нададзена жыццю і лёсам воінаў-удзельнікаў выпускнікоў нашай школы. Увекавечана памяць аб воінах-афганцах Клічаўшчыны загінуўшых у гады афганскай вайны. Прадстаўлены стэнд з фотаздымкамі. Збіраюцца матэрыялы, выразкі з газет. Удзельнікі запрашаюцца на школьныя мерапрыемствы, інфармацыйныя гадзіны .
“Піянерыя: учора, сення, заўтра”
Экспазіцыя прадстаўлена змястоўнымі і насычанымі матэрыяламі з гісторыі зараджэння і развіцця піянерскага руху. Змешчаны наступныя экспанаты: піянерская форма, гальштукі, значкі, газеты, піянерская атрыбутыка.
“Гісторыя школы і саўгаса неаддзельныя”
Экспазіцыя расказвае пра гісторыю развіцця саўгаса, гісторыю школы, пра людзей якія праславілі вёску, пра працаўнікоў саўгаса і настаўнікаў, змяшчае шмат грамат і ўзнагарод.
Аформлены стэнды з фотаздымкамі кіраўнікоў вытворчасці, дырэктароў школы, выпускнікоў і інш.