Тыдзень роднай мовы
Сто гадоў шукай другой красы,
А тым больш, што свет зусім не вузкі.
Ды калі ты не бязродны сын
Гавары са мной па-беларуску.
Яўгенія Янішчыц
Пад такім дэвізам ў Пярэкальскай сярэдняй школе распачаўся Тыдзень роднай мовы “Як ты дорага мне, мая родная мова!”, які праходзіць з 19 па 23 верасня 2022 года.
Першае мерапрыемства, у якім прынялі ўдзел навучэнцы ўсёй дзяржавы, – рэспубліканскі дыктант, прымеркаваны да Дня народнага адзінства, з удзелам Міністра адукацыі.
Панядзелак, 19 верасня, ва ўстанове адукацыі прайшоў пад дэвізам “Кожны народ стварыў хоць бы адзін геніяльны твор, і твор гэты – мова” (А.Разанаў).
Вучнямі старэйшых класаў была праведзена акцыя "Размаўляй са мной па-беларуску". Акрамя таго навучэнцы ўдзельнічалі ў музычнай хвілінцы “Мова родная – мова модная”, падчас якой выконвалі беларускамоўныя песні, інтэрактыўнай гульні “Маё любімае слова на беларускай мове”.
20.09.2022 у рамках Тыдня роднай мовы вучні прынялі ўдзел у анлайн-акцыі “Натхнёныя Бацькаўшчынай” і праглядзелі відэасюжэты пра знакамітых беларусаў, якіх нарадзіла беларуская зямля і якія яе праслаўлялі.
раскрыть » / « свернуть